ပ၀ါရဏာ (ဖိတ်မန်ခြင်း)

1 comments
17-10-2010
ပ၀ါရဏာ၏ နောက်ခံ သမိုင်းကြောင်းအကျဉ်း

သုံးလောကထွဋ်ထား ရှင်တော်မြတ်ဘုရားသည် သာသနာဖြန့်ဖြူးရာ ဗဟိုဌာနချုပ် သဖွယ်ဖြစ်သော သာဝတ္ထိပြည် အနာထပိဏ်သူဌေး + ပုညလက္ခဏဒေ၀ီတို့ စေတနာဖွေးဖြူ ပေးလှူ ဆောက်လုပ် အပ်သော ဇေတ၀န်ကျောင်းတော်၌ သီးတင်းသုံး စံနေတော် မူစဉ်ကာလက ဖြစ်၏၊

သံဒိဋ္ဌ( မြင်ဘူးကာမျှမိတ်ဆွေ ) သံဘတ္တ (အတူနေ အတူစား မိတ်ဆွေ) ဖြစ်ကြသော ရဟန်းတော်တို့သည် ကောသလတိုင်း တစ်ခုသော ဇနပုဒ်၌ ၀ါဆို ၀ါကပ်ကြ၏၊ ၀ါဆိုပြီးကြ သော အခါ ၀ါတွင်းသုံးလ ကာလပတ်လုံး ညီညီညွတ်ညွတ် ငြင်းခုံခြင်းမရှိကြပဲချမ်းချမ်း သာ သာ နေနိုင်ရန်နှင့် ဆွမ်းကိစ္စ မပင်မပန်း ချမ်းသာမည့် နည်းလမ်းကို တိုင်ပင်ညှိနှိုင်းကြ၏။

ဗုဒ္ဓအဆုံးအမ

0 comments
14-7-2010

အားလုံးတို့သည်ဗဟုသုတရရုံမဟုတ်ဘဲလက်တွေ့လေ့ကျင့်ရန်နှင့်အကျိုးရှိအောင်အသုံးချရန် ဖြစ်သည်။


(Buddha’s Teachings are not for Knowledge only but also for Self

Practice & Implementation)


အနှစ်သာရရှိလှခြင်း - ဗုဒ္ဓဘုရားရှင် အဆုံးအမ အားလုံးသည် ဗဟုသုတရရုံပါးစပ်ဖျားလေးမှ ပြောနေ ဟောနေရုံမျှ လမ်းဆုံး နေတာမျိုးတစ်ခွန်းမျှမရှိခဲ့ပါဘူး။ အဆုံးအမတိုင်းသည်ကိုယ်တိုင်လက်တွေ့ ကျင့်ရမယ်ပြီးမှမိမိနှင့်အများအကျိုးအတွက် အကျိုးရှိအောင်လက်တွေ့အသုံးချပြီးမှသာလျှင် အဓိပ္ပာယ် ပြည့်စုံပြီး ပန်းတိုင်(နိဗ္ဗာန်) သို့ မျက်မှောက်ပြုနိုင်ခြင်း သည်သာ အနှစ်သာရဖြစ်ပါသည်။



ချမ်းသာအစစ်

လူချမ်းသာ နတ်ချမ်းသာ နိဗ္ဗာန်ချမ်းသာ သုံးမျိုးသောချမ်းသာတို့တွင် လူနှင့်နတ်ချမ်းသာတို့သည် ဒုက္ခသစ္စာနယ်(ဖြစ်ပေါ်ခြင်း ချုပ်ပျောက်ခြင်း တို့က အစဉ်ထာဝရနှိပ်စက်သောနယ်) ထဲတွင်သာ ခံစား နေရပြီး သုံးဆယ့်တစ်ဘုံသံသရာလည်စေပြီး ချမ်းသာအတုဖြစ်သည်။

နိဗ္ဗာန်ချမ်းသာ (မဖောက်မပြန် ပြုပြင်စီရင်မှုမရှိ ငြိမ်းအေးမှုအပြည့် ဒုက္ခအားလုံးချုပ်ဆုံးခြင်း သံသရာမှလွတ်မြောက်ခြင်း ) သည်သာလျှင် မဟာသန္တိ သုခ ချမ်းသာအစစ် ဖြစ်ပေသည်။


ဘုရားကန်တော့ခြင်း

ဗုဒ္ဓဘာသာဝင်တိုင်း ဘုရားကန်တော့ကြစဉ် သြကာသမှစပြီး ရွတ်ဆိုကြသည်။ (သြကာသ ဆိုသည်မှာ ခွင့်ပြုပါဘုရားဟု ခွင့်တောင်းခြင်းသာ ဖြစ်သည်။ လူယဉ်ကျေးတို့၏ အလေ့အထတစ်ခုဖြစ်သည်)

သြကာသရွတ်ပြီး ဘုရားရှိခိုးနေစဉ် ဘုရားရှင်၏ ပုံတော် (အကာ)ကိုကြည့်ပြီး ဘုရားရှင်၏ ဂုဏ်တော် (အနှစ်)ကိုရည်မှန်းပြီးကန်တော့မှသာလျှင် အဓိပ္ပာယ်ပြည့်စုံပေသည်။

နွေရာသီသင်တန်းအမှတ်တရ

0 comments
မကွေးတိုင်း၊ မြိုင်မြို့နယ်၊ ပူတွင်းကျေးရွာ၊ အဘယ ခေမိကာရာမကျောင်းတိုက်
နွေရာသီ ဗုဒ္ဓဘာသာယဉ်ကျေးမှု နှင့် အခြေခံ English grammar သင်တန်း ကျောင်းသူ ကျောင်းသားများနှင့်အမှတ်တရ

ကုသိုလ်ပြုလျှင် သတိယှဉ်

0 comments
မြန်မာနိုင်ငံသည် ထေရ၀ါဒဗုဒ္ဓဘာသာ (၅)နိုင်ငံတို့အနက် ကုသိုလ်ကောင်းမှုပြုလုပ်ရာ၌ ထင်ရှား ကျော်ကြားလှသော နိုင်ငံတစ်နိုင်ငံဖြစ်ပါသည်။ ဗုဒ္ဓဘာသာမြန်မာလူမျိုးတို့သည် အကြောင်းအမျိုးမျိုးရှာ၍ ကုသိုလ်ကောင်းမှု ပြုလုပ်လေ့ရှိကြသည်။ ကုသိုလ်ဟုဆိုရာဝယ် ကုသိုလ်သည် (၁)ဒါနကုသိုလ်၊ (၂)သီလကုသိုလ်၊ (၃) ဘာဝနာကုသိုလ် ဟူ၍ (၃)မျိုးရှိပါသည်။
ဤ၌ ဒါနကုသိုလ်အကြောင်းကို ရှင်းလင်းတင်ပြလိုပါသည်။ ဒါနကုသိုလ်တွင်လည်း ကျောင်းပွဲအလှူ ၊ ဘုရားပွဲအလှူ ၊ သဒ္ဓါဆွမ်းကပ်အလှူ၊ မင်္ဂလာဆွမ်းကပ်အလှူ၊ ရှင်ပြု ရဟန်းခံအလှူ အစရှိသည်ဖြင့် မြန်မာလူမျိုးများသည် ဒါနကုသိုလ်ကို များစွာပြုလုပ်လေ့ရှိ၏။ အလှူရှင်တို့၏စိတ်၌ အလှူပြုလုပ်ရလျှင် ကုသိုလ်အကျိုးကို အပြည့်အ၀ရရှိနိုင်သည်ဟု ယုံကြည်ကြပါသည်။ သို့သော် ဆင်ခြင်သင့်သည့် အချက်များစွာကို ကျွန်ုပ်တင်ပြလိုပါသည်။ တောအရပ်ဒေသများ၌ ရှင်ပြုရဟန်းခံစသည့် အလှူများပြုလုပ်လျှင် ဝက်သားကျွေးခြင်း၊ ကြက်သားကျွေးခြင်း ဟူသော ဧည့်ခံကျွေးမွေးခြင်းဖြင့် ဧည့်ခံလေ့ရှိကြ၏။ ရိုးရိုးကျွေးမွေးဧည့်ခံရလျှင် ဂုဏ်ရှိသည်ဟုပင်မထင်ကြပါ။ ဤသို့ယူဆခြင်းသည်ပင်လျှင် အကုသိုလ်ဖြစ်ဖို့ အကြောင်းဖန်လာခြင်းဖြစ်၏။ ၀က်သားကျွေး၍ အလှူပြုလုပ်မည်ဟုဆိုလျှင် ဝက်သားပေါ်(ဝက်သတ်)မည့် ပုဂ္ဂိုလ်သည် အလှူရှင်ဒကာနှင့်လာ၍ တိုင်ပင်ညှိနှိုင်းကာ လူဦးရေ မည့်မျှဖိတ်မည့်အကြောင်း၊ ဘုန်းကြီးဘယ်နှစ်ပါးပင့်မည့်အကြောင်းကို အလှူရှင်ထံမှ အတိအကျရယူပြီး ဝက်အကောင်ရေမည်မျှသတ်ရမည်ဟုခန့်မှန်း၍ ဝက်သားပေါ်လေ့ရှိပါသည်။ ဤအကြောင်းအရာကို မြို့၌ မရည်ညွှန်းသည်ကား မြို့သည် ပံ့သကူသားပေါများသော အရပ်ဒေသဖြစ်သောကြောင့် တောအရပ်ဒေသဟုရည်ညွှန်းရခြင်းဖြစ်ပါသည်။ နောက်တစ်ချက်ကား အလှူရှင်သည် (၁၀)သိန်းအကုန်အကျခံကာ အလှူပြုလုပ်ပြီး ဖိတ်ကြားထားသော မိတ်သင်္ဂဟများအထံမှ အကူငွေကိုလက်ခံ၍ အလှူပြီးလျှင် ရငွေ၊ ကုန်ငွေ အရှုံးအမြတ်ကို တွက်ချက်လေ့ရှိကြပါသည်။ ဤနှစ်ချက်ကိုထောက်ကြည့်လျှင် သပ္ပုရိသဒါနသုတ်၌ “အတ္တာနဉ္စ ပရဉ္စ အနုပဟစ္စ ဒါနံ ဒေတိ။ မိမိကိုလည်းကောင်း သူတပါးကိုလည်းကောင်း မထိခိုက်စေမူ၍ လှူဒါန်းရမည်” ဟု မြတ်စွာဘုရား၏တရားတော်နှင့် အလွန်ပင်ဆန့်ကျင်လျှက်ရှိပါသည်။ မိမိကို မထိခိုက်မနစ်နာစေ၍ လှူခြင်းဟူသည် တစ်ဆယ်တတ်နိုင်လျှင် တစ်ဆယ်ဖိုးသာလျှင်လှူရမည်၊ ဤသိုလှူဒါန်းလျှင် မိမိကို မထိခိုက်စေပါ။ မိမိတတ်နိုင်သည်ထက် ပို၍လှူဒါန်းလျှင် မိမိကို ထိခိုက်နစ်နာစေပါသည်။ သူတပါးကို မထိခိုက်မနစ်နာစေ၍ လှူဒါန်းခြင်းဟူသည် မိမိအလှူကို ရည်ရွယ်၍ သတ်သော အသားကျွေးမွေးဧည့်ခံခြင်းမှရှောင်ကြဉ်ရမည်။ ပဋ္ဌာန်းပါဠိတော်၌ “ ကုသလံ ဥပနိဿာယ ပါဏံ ဟနတိ-ကုသိုလ်တရားကို အမှီပြု(အကြောင်းပြု)၍ သူတပါးအသက်ကိုသတ်ခြင်းတည်းဟူသော အကုသိုလ်ဖြစ်စေတတ်ပါသည်။ ငါသာလျှင်ဤကဲ့သို့လှူနိုင်သည် တခြားပုဂ္ဂိုလ်များမလှူနိုင်ဟု မာနထောင်လွှား၍လှူဒါန်းခြင်းသည်လည်း သူတပါးကို ထိခိုက်စေပါသည်။ ဤအချက်ကိုလည်း ရှောင်ကြဉ်ရမည်။
ပဋ္ဌာန်းပွဲ၊ ကျောင်းပွဲ၊ ဘုရားပွဲများ ပြုလုပ်ရာတွင် ဘုန်းတော်ကြီးများ ဦးဆောင်၍ ပြုလုပ်သောကြောင့် အင်မတန် ဆင်ခြင်သင့်လှပေသည်။ ထိုအကြောင်းအရာများနှင့်ပတ်သက်သော ပုံပြင်တပုဒ်ကို တင်ပြလိုပါသည်။
ဝက်သားအမိပုံပြင်
တစ်ခါက ဝက်အမေကြီးနှင့် ဝက်သားပေါက်ကလေးများ လယ်ကွင်းပြင်တွင် အိပ်နေကြလေသည်။ ထိုအချိန်၌ တောင်သူလယ်သမားမျာသည် ၀က်သားအမိများအိပ်နေသော လယ်ကွင်းပြင်အနီးသို့ ရောက်ရှိလာလေသည်။ ထိုအခါ…..ဝက်ကလေးများသည် အသံကြား၍ လန့်နိုးလာကြ၏။
ဝက်ကလေးများ။ ။ အမေ..အမေ..ထ ထ ဟိုမှာ ခမောက်တွေ၊ ပေါက်တူးတွေ သံတူရွင်းတွေနဲ့ လူတွေလာနေပြီ ရန်သူတွေထင်တယ်အမေ သားတို့သမီးတို့ ပြေးကြရအောင်။
ဝက်အမေကြီးသည် ထကြည့်ပြီး….
ဝက်အမေ။ ။အော် ဟိုလူတွေလား အဲဒီလူတွေက ကျေးဇူးရှင်တောင်သူလယ်သမားတွေပါ သားတို့သမီးတို့ရယ် ရန်သူတွေမဟုတ်ပါဘူး အေးအေး ဆေးဆေး စိတ်ချ လက်ချအိပ်ကြသားတို့သမီးတို့ရေ။
အတန်ကြာသော်.. စစ်သားများ သူတို့အနီးသို့ရောက်ရှိလာပြန်လေသည်.။
ဝက်ကလေးများ။ ။ အမေ..အမေ..ထ ထ တော့ ဒီတခါတော့ တကယ့်ရန်သူတွေထင်တယ် သေနတ်တွေရော ၊ လက်ပစ်ဗုံးတွေရော လက်နက်အပြည့်အစုံပါတယ်ဗျ သားတို့သမီးတို့ပြေးကြရအောင်။
ဝက်အမေကြီးသည် ထကြည့်ပြီး….
ဝက်အမေ။ ။အော်… အဲဒီလူတွေက တိုင်းပြည်ကိုကာကွယ်ပေးတဲ့ စစ်သားတွေကွယ့် အမေတို့ရန်သူတွေမဟုတ်ဘူး စိတ်ချလက်ချအိပ်ကြပါကွယ် ဘာမှမဖြစ်ဘူး။
ခဏကြာသော် .. ဘုန်းတော်ကြီးများ လယ်ကွင်းအနီးသို့ရောက်လာပြန်လေသည်။
ဝက်ကလေးများ။ ။အမေ ..ဒီတခါလာတဲ့လူတွေကတော့ ကတုံးတွေနဲ့ အောက်ကလည်း အနီရောင်တွေဝတ်လို့ ဘာလက်နက်မှတော့ ပါမလာဘူး ဒီလူတွေကတော့ သားတို့ရန်သူတွေမဟုတ်လောက်ပါဘူး နော်အမေ။
ဝက်အမေကြီးသည် ထကြည့်ပြီး….
ဝက်အမေ။ ။ ဟေ..ဘယ်မတုံး ဟာ…ပြေးကြ သားတို့သမီးတို့ရေ ပြေးကြ အဲဒီလူတွေကမှ အမေတို့ရဲ့ရန်သူအစစ်ကွဲ့ မင်းတို့အဖေတုံးကလည်း အဲဒီဘုန်းကြီးတွေရဲ့ဘုရားပွဲမှာပဲ အသတ်ခံလိုက်ရတာ ပြေးကြ ..ပြေးကြ။ ဟူ၍ဖြစ်ပါသည်။
ဤပုံပြင်ကား တကယ်မဟုတ်ပါ။ ပုံပြင်သာဖြစ်သည် ။ သို့သော် ဤပုံပြင်သည် အကြောင်းမဲ့ ပေါ်ပေါက်လာခြင်းဖြစ်ဟန်မတူချေ။ အလှူဒါနကုသိုလ်ပြုကြသော အလှူရှင်နှင့် ဘုန်းတော်ကြီးများ သတိထား ဆင်ခြင်စေရန် ဖန်တီးထားဟန်တူပါသည်။ အလှူရှင်များသည် မည်သို့ သတိထားဆင်ခြင်ရဟုဆိုလျှင် မိမိပြုလုပ်သော အလှူဒါနသည် ဖြစ်နိုင်မည်ဆိုလျှင် ရိုးစင်းသော ကျွေးမွေးဧည့်ခံခြင်းဖြင့် ဧည့်ခံသင့်ပေသည်။ ဘုန်းတော်ကြီးများကိုလည်း ပံ့သကူသားဖြင့်သာလျှင် ဆွမ်းကပ်သင့်ပေသည်။ ဤအကြောင်းအရာနှင့်ပတ်သက်၍ ကိုယ်တွေ့ဖြစ်ရပ်လေးကို အနည်းငယ်တင်ပြလိုပါသည်။ အညာဒေသ ကျေးရွာတရွာ၌ ကျောင်းရေစက်ချပွဲ တခုရှိသည့်အတွက် အလှူရှင်သည် အကျယ်ချဲ့လိုဟန် ရှိပုံမရချေ။ သို့အတွက်ကြောင့် ကျောင်းရှိသံဃာတော်သုံးပါးနှင့်သာ ရေစက်ချတရားနာပြုလုပ်လို၏။ ဘုန်းတော်ကြီးများကို ဆွမ်းကပ်ဖို့အတွက် ကြက်တကောင်သွားဖမ်းရန် ဒကာတယောက်ကို တာဝန်ပေးလေ၏။ တာဝန်ပေးခံရသော ဒကာသည် အကျွနု်ပ်ကို လာ၍တိုင်ပင်ပါသည်။ ကျွန်ုပ်သည် ထိုဒကာကို အကြောင်းစုံရှင်းလင်းပြသရ၏။ “ဘုန်းကြီးဆိုတာ ဒိဋ္ဌ ၊ သုတ ၊ ပရိသင်္ကိတ-လို့ဆိုတဲ့ မြင်သား ၊ ကြားသား ၊ ယုံမှားသံသယရှိတဲ့အသားတွေကို မစားကောင်း မစားအပ်ဘူး ၊ မြင်သားဆိုတာက မိမိရဲ့ရှေ့မှာတင် သတ်ဖြတ်နေတဲ့ အသားကိုလည်းမစားရဘူး ၊ ကြားသားဆိုတာက သတ္တ၀ါတကောင်ကို သတ်ဖြတ်နေတဲ့အသံကြားလျှင်သော်လည်းကောင်း၊ သတ်နေတယ်လို့ သူတပါးက ပြောသံကိုကြားရလျှင်သော်လည်းကောင်း မစားရဘူး၊ ယုံမှားသံသယရှိတဲ့အသားဆိုတာက အသားဟင်းတခွက်ကိုမြင်ကြပြီဆိုပါစို့ ဒီအသားဟင်းတခွက်သည် ငါ့အတွက်များ ရည်ရွယ်၍ သတ်ထားတဲ့အသားလေလားလို့ ယုံမှားသံသယရှိလျှင်လည်း မစားကောင်း မစားအပ်ဘူး လို့ဆိုတယ်၊ ဒါ့ကြောင့် ဒကာအနေနဲ့ အဲဒီသွားဖမ်းမယ့်ကြက်ကို သွားမဖမ်းတော့ပဲ အဆင်ပြေအောင် အလှူရှင်ကို ပြောပြလိုက်ပေတော့” ဟု သေချာစွာရှင်းပြရပါသည်။
ဘုန်းတော်ကြီးများသည် မည်သို့သတိထားဆင်ခြင်ရမည်ဟုဆိုလျှင် မိမိတို့ကျောင်းတွင် ကျောင်းပွဲ ၊ ဘုရားပွဲ၊ ပဋ္ဌာန်းပွဲ စသည်ပွဲများတွင် အတတ်နိုင်ဆုံး အလှူပွဲနှင့်စပ်လျဉ်းပြီး သူတပါးအသတ်ကို မသတ်မိစေဖို့ ဒကာများကို သတိပေးရမည် တရားဟောရမည်။ အလွန်ဆုံးပံ့သကူသား ကိုသာလျှင် ဖြစ်နိုင်သမျှအစီစဉ်ခိုင်းရမည်။ ဤကား ဘုန်းတော်ကြီးများ သတိထားဆင်ခြင်ရမည့် အချက်ဖြစ်ပါသည်။ ကုသိုလ်တစ်ပဲ၊ ငရဲတစ်ပိဿာ အဖြစ်သို့မရောက်စေရန်လည်းသတိထားဆင်ခြင်သင့်လှပေသည်။
အချုပ်အားဖြင့်ဆိုရသော် ကုသိုလ်ပြုလုပ်ကြပြီဟုဆိုလျှင် ဘုရားတရားတော်နှင့်အညီ ပကာသနမဖက်ဘဲ နည်းစနစ်မှန်ကန်စွာဖြင့် ကုသိုလ်ပြုလုပ်ကြစေဖို့ ကုသိုလ်ပြုလျှင် သတိယှဉ်ကြစေဖို့ အကျွန်ုပ်တတ်နိုင်သမျှ သတိပေးနှိုးဆော်တိုက်တွန်းရင်း…….
                                                                                          မေတ္တာများစွာဖြင့်
                                                                                           လင်္ကာဒီပအရှင်


ဝိပဿနာ အခြေခံ ဆောင်ပုဒ်များ

0 comments
29-10-2009
၁။ မျက်စိ, အဆင်း ၊ အလင်းဆုံရင် ။
မြင်, တွေ့ , ခံစား ၊ မှတ်သားစီရင်။
မရှုမြင်ခိုက် ၊ မြင်ကြိုက် စွဲခင် ။
ကံဘ၀ ၊ ဖြစ်ရ ကောင်းဆိုးပင် ။

၂။ ဘ၀ကံရှိ ၊ ဇာတိဖွားမြင် ။
အို သေ ပူဆွေး ၊ ငိုကြွေး ရှိုက်ငင် ။
ကိုယ်, စိတ် ဒုက္ခ ၊ ပြင်းပြ ပူပင် ။
လောက စက် ၊ ဖြစ် ပျက် ထာဝစဉ် ။

၃။ အသံနှင့်နား ၊ မခြား ဆုံရင် ။
ကြား, တွေ့ ခံစား ၊ မှတ်သားစီရင် ။
မရှုကြားခိုက် ၊ ကြား ကြိုက်စွဲခင် ။
ကံဘ၀ ၊ ဖြစ်ရကောင်းဆိုးပင် ။

၎။ အနံ့ နှာခေါင်း ၊ လေကြောင်းသင့်ရင် ။
နံ, တွေ့ ခံစား ၊ မှတ်သားစီရင် ။
မရှု နံခိုက် ၊ နံ ကြိုက် စွဲခင် ။
ကံဘ၀ ၊ ဖြစ်ရ ကောင်းဆိုးပင် ။

၅။ ရသာ လျှာနှင့် ၊ ရေ သင့်ဆုံလျှင် ။
စား, တွေ့ ခံစား ၊ မှတ်သားစီရင် ။
မရှု စားခိုက် ၊ စား ကြိုက်စွဲခင် ။
ကံဘ၀ ၊ ဖြစ်ရ ကောင်းဆိုးပင် ။

၆။ ကိုယ်နှင့် ဖောဋ္ဌဗ် ၊ မြေဓာတ်ဆုံရင် ။
ထိ, တွေ့ ခံစား ၊ မှတ်သားစီရင် ။
မရှု ထိခိုက် ၊ ထိ ကြိုက်စွဲခင် ။
ကံဘ၀ ၊ ဖြစ်ရ ကောင်းဆိုးပင် ။

၇။ နှလုံး မန ၊ ဓမ္မ ဆုံရင် ။
ကြံ, တွေ့ ခံစား ၊ မှတ်သားစီရင် ။
မရှု ကြံခိုက် ၊ ကြံ ကြိုက်စွဲခင် ။
ကံဘ၀ ၊ ဖြစ်ရ ကောင်းဆိုးပင် ။

၈။ ဘ၀ကံရှိ ၊ ဇာတိဖွားမြင် ။
အို သေ ပူဆွေး ၊ ငိုကြွေး ရှိုက်ငင် ။
ကိုယ် စိတ် ဒုက္ခ ၊ ပြင်းပြ ပူပင် ။
လောက စက် ၊ ဖြစ်ပျက် ထာဝစဉ် ။

၉။ မျက်စိ, အဆင်း ၊ အလင်းဆုံရင် ။
မြင်, တွေ့ , ခံစား ၊ မှတ်သားစီရင်။
ရှုမှတ် မြင်ခိုက် ၊ မြင် ကြိုက် ကင်းစင် ။
ကံဘ၀ ၊ ဥာဏ်က မှတ်သုတ်သင် ။

၁၀။ ကောင်းဆိုးကံဘ၀ ၊ ဥာဏ်က သတ်ရင် ။
ဖြစ်, အိုသေလဲ ၊ ပြတ်စဲ ကင်းစင် ။
ပူဆွေး ငိုကြွေး ၊ ၀ဋ်ဘေး ကုန်စင် ။
လောကစက် ၊ ကျိုးပျက် နိဗ္ဗာန်ဝင် ။

၁၁။ အသံနှင့်နား ၊ မခြား ဆုံရင် ။
ကြား, တွေ့ ခံစား ၊ မှတ်သားစီရင် ။
ရှုမှတ် ကြားခိုက် ၊ ကြား ကြိုက် ကင်းစင် ။
ကံဘ၀ ၊ ဥာဏ်က မှတ်သုတ်သင် ။

၁၂။ အနံ့ နှာခေါင်း ၊ လေကြောင်းသင့်ရင် ။
နံ, တွေ့ ခံစား ၊ မှတ်သားစီရင် ။
ရှုမှတ်နံခိုက် ၊ နံ ကြိုက် ကင်းစင် ။
ကံဘ၀ ၊ ဥာဏ်က မှတ်သုတ်သင် ။

၁၃။ ရသာ လျှာနှင့် ၊ ရေ သင့်ဆုံလျှင် ။
စား, တွေ့ ခံစား ၊ မှတ်သားစီရင် ။
ရှုမှတ် စားခိုက် ၊ စား ကြိုက်ကင်းစင် ။
ကံဘ၀ ၊ ဥာဏ်က မှတ်သုတ်သင် ။

၁၄။ ကိုယ်နှင့် ဖောဋ္ဌဗ် ၊ မြေဓာတ်ဆုံရင် ။
ထိ, တွေ့ ခံစား ၊ မှတ်သားစီရင် ။
ရှုမှတ် ထိခိုက် ၊ ထိ ကြိုက်ကင်းစင် ။
ကံဘ၀ ၊ ဥာဏ်က မှတ်သုတ်သင် ။

၁၅။ နှလုံး မန ၊ ဓမ္မ ဆုံရင် ။
ကြံ, တွေ့ ခံစား ၊ မှတ်သားစီရင် ။
ရှုမှတ် ကြံခိုက် ၊ ကြံ ကြိုက် ကင်းစင် ။
ကံဘ၀ ၊ ဥာဏ်က မှတ်သုတ်သင် ။

၁၆။ ကောင်းဆိုး ကံဘ၀ ၊ ဥာဏ်ကသတ်ရင် ။
ဖြစ် အို သေလဲ ၊ ပြတ်စဲ ကင်းစင် ။
ပူဆွေး ငိုကြွေး ၊ ၀ဋ်ဘေး ကုန်စင် ။
လောကစက် ၊ ကျိုးပျက် နိဗ္ဗာန်ဝင် ။ ။

ကျေးဇူးရှင် ဆရာတော် သုဇာတမထေရ်
ရန်ကုန်မြို့၊ မဟာစည်သာသနာ့ရိပ်သာ၊
နာယက ကမ္မဋ္ဌာနာစရိယ၊ သြ၀ါဒါစရိယ

ဆယ့်နှစ်လရာသီပန်း

2 comments
ပန်းကံ့ကော် ရွှေစံကား
ငွေသားနု စံပယ်မှန်။
မုလေး၊ ခတ္တာ နှင့်
ရွှေရင်းမာ* ကြာ ခ၀ဲ
ဖွဲ စ နှင်းလျှံ၊
သဇင် ကျန်
ခွာတန် နှင့် ပေါက်လဲ။
ပွင့်ဝတ်ကယ် ရွှေဖီမင်း
သင်းထုံနံ့ကဲ။

ကင်းဝန်မင်းကြီး

ကထိန်သင်္ကန်းအကြောင်း သိကောင်းစရာ

1 comments
29-10-2009
အလှူရေစက်လက်နှင့်မကွာ လှူဒါန်းကြသော မြန်မာဗုဒ္ဓဘာသာတို့ နယ်ပယ်၌ “ကျောင်းမှာ သိမ်၊ သင်္ကန်းမှာ ကထိန်” ဟူသော ဆိုရိုးစကားလေးကို လူတိုင်း ကြားဘူးကြမည်ထင်ပါသည်။ ကျောင်းလှူတာခြင်း အတူတူ “သိမ်ကျောင်း” လှူတာက ပိုမြတ်သည်ဟု ဆိုလိုရင်းဖြစ်ပေသည်၊အဘယ့်ကြောင့်ဆိုသော် သိမ် ကျောင်းသည် ရဟန်းပြုခြင်း၊ ဥပုသ် ပြုခြင်း၊ အခြားသော သံဃာ့ကိစ္စတို့ကို ပြုလုပ်ခြင်းတို့၌ အကျိုးပြုသောကြောင့် ဖြစ်ပေသည်။ ထို့အတူ သင်္ကန်းလှူတာခြင်း အတူတူ “ကထိန်သင်္ကန်း” လှူ ဒါန်းခွင့်ရခြင်းက ပိုမြတ်သည်ဟု ဆိုလိုခြင်း ဖြစ်ပေသည်၊ အဘယ့်ကြောင့်ဆိုသော် ကထိန် သင်္ကန်း လှူဒါန်းရာ၌ ထူးခြားချက်များစွာ (စည်းကမ်း များစွာ)ရှိနေသောကြောင့်ဖြစ်ပေသည်။ ကထိန် သင်္ကန်းအလှူ၏ထူးခြားချက်(စည်းကမ်းတို့ )ကို အနည်း ငယ်မျှ ရှင်းပြပါဦးမည်၊ ကထိန်သည် လှူဒါန်းမှု ဖြစ်ပေါ် လာပုံအားဖြင့်လည်းကောင်း၊ အချိန်ကာလအားဖြင့် လည်းကောင်း၊ အလှူခံအားဖြင့်လည်းကောင်း ၊ လှူဒါန်းဖွယ်ရာ ပစ္စည်းအားဖြင့်လည်းကောင်း၊ လှူနည်းအားဖြင့်လည်းကောင်း၊ (၀ိနည်းသိက္ခာပုဒ် ကင်းလွတ်ခွင့်ရခြင်း )အကျိုး အားဖြင့် လည်းကောင်း ၊ တစ်ခြားသော ဒါနတို့နှင့်မတူ “ မူ”များစွာ ထူးခြားနေ သည်ကို တွေ့ရှိနိုင်ပေသည်။

၁။ တခြားသော ပစ္စည်းတို့ကို လိုအပ်လျှင် မိဘကိုသော်လည်းကောင်း ၊ဆွေမျိုးကိုသော်လည်း ကောင်း ၊ဖိတ်မာန်ထားသူ (ရဟန်းဒကာ ရဟန်းအမ စသူ) တို့ကိုသော်လည်းကောင်း နှုတ်မြွက်၍ အလှူခံ ကောင်း (တောင်းကောင်း )၏ ၊ကထိန်သင်္ကန်းကိုကား မိဘကို သော်မှလည်း နှုတ်မြွက်၍ သိစေခြင်းငှာ (အလှူခံခြင်းငှာ) မအပ်ပေ၊ တစ်ခြားသူတို့ကိုကား အဘယ်မှာ ဆိုဘွယ်ရာ ရှိပါတော့အံ့နည်း၊ သူ့အလိုလို သဒ္ဓါတရားဖြစ်ပေါ်၍ လှူသော ကထိန်သင်္ကန်းကိုသာ အလှူခံခွင့်ရှိ၏၊ အလှူ ခံကောင်း၏ ၊ ( ကောင်းကင်မှ ကျလာသော သန့်ရှင်း ကြည်လင်သော မိုးရေမိုးပေါက်ကဲ့သို့သဒ္ဓါတရား သန့် သန့် လေးဖြင့်လှူသော “ကထိန်သင်္ကန်း” ဖြစ်ရပေမည်။ ယင်းကဲ့သို့သော ကထိန်သင်္ကန်းကိုပင် “မိုးကျကထိန်” ဟု ပြောဆိုကြခြင်း ဖြစ်ပေသည်။ (ကထိနံနာမ အတိဥက္ကဋ္ဌံ ၀ဋ္ဋတိ ၊ မာတရမ္ပိဝိညာပေတုံ န၀ဋ္ဋတိ၊အာကာသတော သြတိဏ္ဏသဒိသမေ၀ ၀ဋ္ဋတိ ၊)

၂။ကထိန်သင်္ကန်းသည်တစ်ခြားသော လှူဖွယ် တို့ကဲ့သို့ လှူချင်သည့်အချိန်လှူခွင့် မရပေ၊ သတ်မှတ် ထားသော သီတင်းကျွတ် လပြည့်ကျော်(၁) ရက်နေ့မှ တန်ဆောင်မုန်းလပြည့်နေ့ထိ တစ်လတိတိ အချိန်ကာလ အတွင်းသာ လှူခွင့်ရှိ၏။ ( ကထိန်ခင်းခွင့် ရှိ၏ ) ကျန်သော အချိန်များ၌ကား လှူခွင့် လုံးဝ မရှိပေ၊ ထို့ပြင် ကထိန်သင်္ကန်းသည် တစ်နှစ်မှ တစ်လ၊တစ်လမှ တစ်ရက်၊ တစ်ရက်မှ (တစ်ကျောင်း ) တစ်ကြိမ်သာ လှူခွင့် ရှိလေသည်။

၃။လှူဖွယ်ပစ္စည်းအားဖြင့် ကထိန်ခင်းရန် အတွက် သင်းပိုင်၊ ဧကသီ ၊ ဒုကုဋ် ( နှစ်ထပ် ) သင်္ကန်းတို့တွင် တစ်မျိုးမျိုး ဖြစ်ရပေမည်။ ( တခြားသော လှူဖွယ်ပစ္စည်းများကို အခြံအရံအဖြစ် လှူဒါန်းနိုင်ပါသည် )

၎။ လှူနည်းအားဖြင့်သံဃိကဒါနအဖြစ် သံဃာ အားသာ လှူဒါန်းရမည်ဖြစ်ပေသည်။
(ပုဂ္ဂိုလ်စွဲဖြင့် ပုဂ္ဂလိကဒါနအဖြစ် လုံးဝမလှူကောင်းပေ)၊ သံဃာတော်များက ထိုသင်္ကန်းကို အလှူခံယူပြီး သိမ်အတွင်း၌ ဉတ်ကမ္မ၀ါ ရွတ်ဖတ်၍ သင့်တော်သည့် ရဟန်းတော် တစ်ပါးပါးအား လှူဒါန်းရ၏ ဉတ်ကမ္မ၀ါ ရွတ်ဖတ်၍ လှူဒါန်းရသောကြောင့် ကထိန်ခင်းမည့် သင်္ကန်းကို “ ဉတ်သင်္ကန်း” ဟု ခေါ်ဆိုကြလေသည်။

၅။အလှူခံသော ရဟန်းသည်လည်း ပုရိမ၀ါ ကပ်၍ (၀ါမကျိုး မပျက်သော ) သီတင်းကျွတ် လပြည့် နေ့၌ ၀ါမှကျွတ်သော ရဟန်းတော်များသည်သာအလှူခံ ခွင့် ရှိလေသည်။ (ထိုရဟန်းတို့တွင်လည်း ဆင်းရဲနွမ်းပါး ဆုံးဖြစ်သော ရဟန်းကို ပထမဦးစားပေး၍ လှူဒါန်းရမည်ဖြစ်ပေသည်၊ ထိုရဟန်းမရှိမှ မထေရ်ကြီးစသည့် ရဟန်း တစ်ပါးပါးအား လှူဒါန်း ရမည် ဖြစ်ပေသည်။

၆။ အကျိုးအားဖြင့် ကထိန်အာနိသင်ရသော (ကထိန်ခံသော ရဟန်းနှင့်အနုမောဒနာပြုသော) ရဟန်းတော်များသည် ၀ိနည်းသိက္ခာပုဒ် နှင့်သက် ဆိုင်သည့် ကင်းလွတ်ခွင့် (၅) မျိုးကို သီတင်းကျွတ်လပြည့်ကျော် - ၁ -ရက်နေမှစ၍ တပေါင်းလပြည့် နေ့ထိ ၅ - လ တိုင်တိုင် ရရှိကြလေသည်။

ရဟန်းတော်များ ရနိုင်သောအကျိုး (၅) ပါး

၁။ မပန်မကြား ၊ လိုရာသွား ၊ ပြစ်များမသင့်ပြီ။
ဒကာ ဒကာမတို့၏အိမ်သို့( မြို့တွင်းရွာတွင်းသို့ ) သွားလို သည့်အခါ ထင်ရှားရှိသောရဟန်းကို ခွင့်မပန်ပဲ သွားနိုင် ပါသည် ။ (အကယ်၍ ကထိန်အာနိသင်မရမူ ခွင့်မပန်ပဲ သွားလျှင် အာပတ်သင့်၏ )

၂။ သုံးထည်ထဲမှာ ၊ ထားလိုရာ ၊ ထားကာ သွားနိုင်သည်။
တိစီဝရိတ်ဓုတင်ဆောင် ရဟန်းတော် ဖြစ်လျှင် သင်္ကန်း သုံးထည်တို့တွင်(သင်းပိုင် ဧကသီ ဒုကုဋ် )တစ်ထည် ထည်ကို ထားခဲ့ပြီး၍ သွားလိုရာ သွားနိုင်ပါသည်။ (အကယ်၍ ကထိန်အာနိသင် မရပဲ သင်္ကန်းတစ် ထည်ထည်ကို ထားခဲ့ပြီး၍ သွားလိုရာ သွားလျှင် အာပါတ်သင့်၏ )

၃။လေးပါးတူပင် ၊ ဂိုဏ်းဘောဇဉ် ၊ စားလျှင် စားနိုင်သည်။
ပင့်ဖိတ်သူဒကာ၊ ဒကာမတို့က အပင့်အဖိတ်မတတ်၍ အရှင်ဘုရား၊ တပည့်တော်တို့အိမ် ထမင်းစားကြွပါ ဘုရား၊ မုန့်ဟန်းခါးစား ကြွပါဘုရား၊ စသည်ဖြင့် မအပ်သော အသုံးအနှုံးဖြင့် ပင့်ဖိတ်သော်လည်း ဘုဉ်းပေးခွင့် ရှိ၏၊(အကယ်၍ ကထိန်အာနိသင် မရပဲ ဘုဉ်းပေးလျှင် အာပါတ်သင့်၏)

၎။ သင်္ကန်းများစွာ ၊ ငါးလမှာ ၊ သိမ်းကာ ထားနိုင်သည်။
မိမိရရှိသောသင်္ကန်းကို အဓိဋ္ဌာန် ၀ိကပ္ပနာ မပြုပဲ (သင်္ကန်းကာလ- ၅ -လအတွင်း ) ထားပိုင်ခွင့် ရှိသည်၊
( အကယ်၍ ကထိန်အာနိသင် မရရှိပဲမိမိ ပိုင်သင်္ကန်းကို အဓိဋ္ဌာန် ၀ိကပ္ပနာ မပြုပဲ ထားရှိပါက - ၁၀ - ရက်ကျော်လျှင် အာပါတ်သင့်၏)။

၅။သံဃာလှူငြား ၊ သင်္ကန်းများ ၊ သူအားသာ ဖြစ်သည်။
ကထိန်ခင်းသောကျောင်း၌ သင်္ကန်းဖြစ်ပေါ်လာတိုင်း ကထိန်ခင်းသော(ကထိန် အာနိသင်ရသော) ရဟန်းတို့ ပိုင်ဆိုင်ခွင့် စိတ်ကြိုက် ဝေဘန်ခွင့် ရှိသည်။ (အကယ်၍ကထိန်အာနိသင်မရပဲ ထိုကဲ့သို့စိတ်ကြိုက် ဝေဘန် လျှင် အာပါတ်သင့်နိုင်၏ )။
ကထိန်နှင့်ပါတ်သက်၍ ရဟန်းတော်များ ထူးခြားသော အကျိုးတို့ကို့ ရရှိနိုင်သကဲ့သို့ ကထိန် သင်္ကန်း လှူဒါန်းကြသော အလှူရှင်များမှာလည်း အကျိုးထူး များ ရရှိနိုင်ပါသည်။

လှူသူမှာလဲ ၊ နည်းတူပဲ ၊ ရမြဲကျိုးငါးမည် ။

၁။ တားဆီးကင်းကွာ ၊ လွတ်လပ်စွာ ၊ လိုရာသွားနိုင်သည် ။
မိမိသွားလိုရာအရပ်သို့ အဆီး အတား အပိတ်အပင် အနှောင့်အရှက်မရှိ လွတ်လွတ်လပ်လပ် သွားလာ နိုင်သည်။

၂။တာဝန်ကိစ္စ၊ မလေးရ၊ ပေါ့လှလေတော့သည် ။
မည်သည့်ကိစ္စပဲ ဆောင်ရွက်ဆောင်ရွက် တာဝန်ကြီး လေးသည်ဟု မရှိ ၊ပေါ့ပေါ့ပါးပါးဖြင့် အောင်မြင်အောင် ဆောင်ရွက်နိုင်သည်။

၃။ စားလိုရာများ ၊ စားသော်ငြား ၊ ဘေးကား မဖြစ်ပြီ။
မည့်သည့် အစားအစာကိုပဲစားစား အစား အသောက် ကြောင့် ဘေးဖြစ်ခြင်း ၊ အစာအဆိပ် သင့်ခြင်း မဖြစ်နိုင်။ (အစာကို ကြေညက် အောင် ချေဖျက်နိုင်သော ပါစက ၀မ်းမီးနှင့် ပြည့်စုံသည် )။

၎။ ပစ္စည်းအများ ၊ သိမ်းပိုက်ထား ၊ ဘေးကား မရှိပြီ။
မိမိပိုင်ဆိုင်သောပစ္စည်းများ ပျက်စီးအောင် ဖျက်ဆီး တတ်သော ဘေးရန်များ မကျရောက်နိုင်။

၅။ ကိုယ့်ပစ္စည်းများ ၊ သူတစ်ပါး ၊ ယူသွား ကင်းပသည် ။
မိမိပိုင်ဆိုင်သော ပစ္စည်းဥစ္စာများကို မိမိကမပေးပဲ မည်သူတစ်ဦးတစ်ယောက်မျှ မယူနိုင် ၊ မသိမ်းပိုက်နိုင်။ ကထိန်ဒကာ၊ ကျိုးငါးဖြာ၊ ကောင်းစွာ ရနိုင်သည်။
ထို့ပြင် ကထိန်သင်္ကန်းလှူဒါန်းသော အလှူ ရှင်များမှာ --ရွှေအဆင်းကဲ့သို့ ၀ါဝင်းသော အသား အရေရှိခြင်း၊ ခန္ဓာကိုယ်၌ ( မြူ စသော ) အညစ် အကြေး ကင်းစင်ခြင်း ၊ ( အလှဖျက် အနာအဆာ မရှိခြင်း ) ၊ ခန္ဓာကိုယ်နူးညံ့ပြေပြစ်ခြင်း ၊ ကိုယ်ရောင် ကိုယ်ဝါ တောက်ပခြင်း ၊ ညိုရွှေဖြူနီစသော ခေတ်ပေါ် အ၀တ်အထည် အမျိုးမျိူးကို ဆင်မြန်းခွင့် ၀တ်ဆင်ခွင့်ရခြင်း ၊ ကျောင်းအမကြီး ၀ိသာခါစသူတို့ကဲ့သို့ မဟလ္လတာ တန်ဆာကို ဆင်မြန်းခွင့်ရရှိ ခြင်းတို့နှင့် အရဟတ္တဖိုလ်ပေါက် နိဗ္ဗာန်မျက်မှောက် ပြုနိုင်ခြင်း ဟူသော အကျိုးတရားများစွာ တို့ကိုလည်း ရရှိနိုင် ပေသည်။

ကထိန်သင်္ကန်းဖြစ်ပေါ်လာပုံသမိုင်းအကျဉ်း
သုံးလောကထွဋ်ထား ရှင်တော်မြတ်ဘုရားသည် သာသနာပြုရာ၌ ဗဟိုဌာနချုပ်သဖွယ်ဖြစ်သော သာဝတ္ထိပြည် အနာထပိဏ်သူဌေး ( သူဌေးကတော်ပုညလက္ခဏဒေ၀ီ ) ဆောက်လုပ်လှူဒါန်းအပ်သော ဇေတ၀န် ကျောင်းတော်ကြီး၌ သီတင်းသုံးနေတော်မူ၏။
ထိုစဉ်အခါ တောရကျောင်း၌ သီတင်းသုံး နေထိုင်ခြင်း အာရညက ဓုတင်၊ဆွမ်း ခံ၍ဘုဉ်းပေးခြင်း ပိဏ္ဍပါတ် ဓုတင်၊ လူတို့ကမသုံးလို၍ အမှိုက်ပုံစသည်၌ စွန့်ပစ်ထားသော မြေမှုန့်အလိမ်းလိမ်းကပ်ငြိနေသော အ၀တ်စုပ်ကို သင်္ကန်းချုပ်ဆိုးကာဝတ်ရုံသုံး ဆောင်ခြင်း ပံသူကူဓု တင်၊ သင်းပိုင် ဧကသီ ဒုကုဋ်ဟူ သောသင်္ကန်း သုံးထည် ကို အမြဲဆောင်ခြင်း တိစီဝရိက်ဓုတင်၊ ယင်းဓုတင် အကျင့်မြတ်တို့ကိုကျင့် သုံးကြသော ဘဒ္ဒ၀ဂ္ဂီ ညီနောင်သုံးကျိပ်တို့သည် ရှင်တော်မြတ် ဘုရားကို ဖူးမြင်ရန် သာဝတ္တိပြည် ဇေတ၀န်ကျောင်းတော်သို့ လာကြ ရာ ၀ါဆိုရက် နီးကပ်နေ၍ သာဝတ္ထိ ပြည်သို့လည်း ၀ါဆိုရန်မမှီတော့သည့်အတွက် လမ်းခရီးအကြား သာဝတ္တိ ပြည်နှင့် ခြောက်ယူဇနာ ဝေးသော (တစ်ယူဇနာ- ၈ -မိုင်နှုန်း ) သာကေတမြို့၌သာ ၀ါဆိုကြရရှာလေသည်။ ထိုရဟန်းတော်သုံးကျိပ်တို့ သည် ရှင်တော်မြတ်ဘုရားနှင့် “နီးလျှက်နဲ့ဝေး” ဖြစ်နေကြသောကြောင့် မပျော်ပိုက်ပဲ တစ်ဝါတွင်းလုံ၊ နေကြရလေသည်။
ဝါကားကျွတ်လေပြီ၊ သို့သော် မိုးကား မလွတ် သေးပေ၊ မိုးလွတ်သည်ထိလည်း အချိန်ကုန်ခံ၍ စောင့် မနေနိုင်တော့ပေ၊ ထို့ကြောင့် ၀ါကျွတ်၍ ပ၀ါရဏာပြုပြီး သည်နှင့် တပြိုင်နက် မိမိတို့ ၀ါဆိုရာ သာကေတမှ ဘုရားရှင် သီတင်းသုံးရာ သာဝတ္ထိသို့ မိုးထဲရေထဲ ရွှံထဲဗွက်ထဲ မှာပင် ဘုရားရှင်ကို ဖူးမြင်ရန် ဆန္ဒ ပြင်းပြကြသဖြင့် မိုးရေစိုရွှဲ ပင်ပမ်းဆင်းရဲစွာ ကြွတော်မူ ကြရလေသည်။
ဘုရားရှင်ထံမှောက် ရောက်ကြ၍ လက်အုပ် ချီမိုး ရှိခိုးကြပြီး သင့်တော်ရာ၌ ထိုင်နေကြသော ထိုဘဒ္ဒ ၀ဂ္ဂီ ညီနောင်သုံးကျိပ်တို့အား ဘုရားရှင်က “ရဟန်းတို့
အသို့နည်း၊ ကျန်းမာကြကုန်၏လော ၊မျှတကြကုန်၏လော၊ အညီအညွတ် ၀မ်းမြောက်ဝမ်းသာ မငြင်းခုံဘဲ ချမ်းသာစွာ ၀ါကပ်ခဲ့ကြပါကုန်၏လော၊ ဆွမ်းအတွက် မပင်ပမ်းပဲ ရှိကြပါကုန်၏လော”ဟု မေးမြန်းတော်မူရာ၊ ရဟန်းတော်များက “ ကျန်းကျန်းမာမာ မျှမျှတတ ညီညီညွတ်ညွတ် နှင့် နေခဲ့ကြရပါသည် ၊ ဆွမ်းအတွက် လည်း မပင်ပမ်းပဲ ရှိကြပါသည်။ သို့သော် သာဝတ္ထိသို့ ၀ါဆိုမှီရန် လာကြပါသော်လည်း ၀ါဆိုရက်နီးကပ်လွန်း သဖြင့် လမ်းခရီးအကြား သာကေတ၌သာ ၀ါဆို ခဲ့ကြရ ပါသည်၊၀ါကျွတ်၍ ပ၀ါရဏာပြုပြီး သည်ဆိုရင်ပဲ မိုးထဲ ရေထဲရွှဲ့ထဲဗွက်ထဲ စိုရွှဲသောသင်္ကန်း များဖြင့်ပင်ပင် ပမ်းပမ်း လာခဲ့ကြရပါသည်ဘုရားဟု” အကြောင်းစုံကို ရှင်တော်မြတ်ဘုရားအား လျှောက်ထားကြလေသည်။ ထိုပါဝေယျကတိုင်းသား ရဟန်းတော်တို့၏ နှစ်ထပ် သင်္ကန်းကိုယ်စီ ဆောင်ထားကြလျှက် မိုးထဲရေထဲ ရွှံ့ထဲ ဗွက်ထဲ၌ မိုးရေများစိုရွှဲကာ ပင်ပမ်းဆင်းရဲကြီးစွာဖြင့် -လာကြရသည်ကို အကြောင်းပြု၍ “ အနုဇာနာမိ ဘိက္ခဝေ ၀ဿံ ၀ုဋ္ဌာနံ ဘိက္ခူနံ ကထိနံ အတ္ထရိတုံ၊ ရဟန်းတို့ ၀ါကျွတ်သော ရဟန်းတို့အား ကထိန်ခင်းခြင်းငှာ ခွင့်ပြု၏” ဟု အစရှိသည်ဖြင့် ကထိန်ခင်းခြင်း (ကထိန်သင်္ကန်း) ကို ရှင်တော် မြတ်ဘုရား ခွင့်ပြုတော်မူပါသည်။

၁။ ဥစ္စာဓန၊ ပေါကြွယ်ဝလည်း၊ လောဘစုံမက်၊
မလှူရက်က၊ တသက်လျှာ လူဖြစ်နာ၏။

၂။ ဘုရားသာသနာ၊ ကြုံတွေ့ပါလည်း၊ ကောင်းစွာ
သီလ၊ မတည်ကြလျှင်၊ ဘ၀တွက်တာ လူဖြစ်နာ၏။

၃။ သူတော်တရား၊ နာရငြားလည်း၊ လေးစားကြိုး
ကုတ်၊ အားမထုတ်က၊ ဆုတ်ယုတ်သင့်မှာ လူဖြစ်နာ၏။

၎။ ဗုဒ္ဓတရား၊ ရှိနေငြားလည်း၊ အမှားနှစ်ခြိုက်
လမ်းလွဲလိုက်က၊ အမိုက်ထိပ်ဆုံး လူဖြစ်ရှုံး၏။

၅။ လက်ရှိဘ၀၊ မရှုံးရအောင်၊ ဒါနသီလာ၊ ဘာဝနာကို၊ မကွာနေ့ည၊ ကြိုးစားကြလော့…. ။

အရှင်ကိတ္တိဇယ(ညောင်ကန်အေး)