လယ်တီဒီပနီပေါင်းချုပ်

0 comments
၃၀-၄-၂၀၀၉

ဆက်လက်တင်ပြပါမည်

စစ်ဘေးဒဏ်သင့် တမီးဒုက္ခသည်များအား မြန်မာရဟန်းတော်များကူညီ

0 comments


29-4-2009



သီရိလင်္ကာနိုင်ငံ ပါလီမန်အမတ်များဖြစ်တော်မူကြသော ဆရာတော် အသုရုဂိရိယ ရေ၀တထေရ် နှင့် သောဘိတထေရ်တို့၏ အကူညီတောင်းခံ တောင်းပန်မှုကြောင့် မိမိတို့ မြန်မာရဟန်းတော်များ တမီးဒုက္ခသည်များအတွက် သီရိလင်္ကာသံဃာများနှင့်တကွ မြို့ထဲ ဆွမ်းစိမ်းအလှူခံထွက်ခဲ့ကြပါသည်။

ယနေ့ ညနေ(၃)နာရီမှစ၍ မကုဋကျောင်းမှ ထွက်ခဲ့ကြပြီး ညနေ(၆)နာရီခွဲခန့် ပြန်လည်ရောက်ရှိခဲ့ကြပါသည်။ မြို့ထဲ စုရပ်တစ်ခု၌ သံဃာများစုစည်းကြ၏။ ထိုစုရပ်သို့ မိမိတို့ ရောက်ရှိချိန်၌ သီရိလင်္ကာသံဃာများ အစုံအလင်ရောက်နှင့်ကြပြီးဖြစ်၏။ သတင်းထောက်များက ဓာတ်ပုံများ၊ ဗွီဒီယိုများဖြင့် မှတ်တမ်းတင်ရိုက်ကူးကြပါသည်။ သတင်းမီဒီယာသမားတို့သည် ဆွမ်းခံခြင်းနှင့်ပတ်သက်၍ မေးမြန်းကြရာ ဦးဆောင်ဆရာတော်သုံးပါးက အသီးသီးဖြေကြားကြပါသည်။
ပါလီမန်အမတ် ဆရာတော်အသုရုဂိရိယ ရေ၀တထေရ်ကို မေးမြန်းရာ၌“ သောင်းကျန်းသူရဲ့လက်အောက် စစ်ဘေးဒဏ် ဒုက္ခအကြားမှ လွတ်မြောက်လို၍ ထွက်ပြေးလာကြတဲ့ တမီးလူမျိုး ဒုက္ခသည်များကို ကူညီစောင့်ရှောက်ချင်လို့ အခုလို သံဃာများက အလှူခံပေးရခြင်းဖြစ်ပတယ်၊ ဘုန်းကြီးတို့ဟာ ကိုယ့်ဘာသာ၊ ကိုယ့်လူမျိုးရယ်လို့ အစွန်းရောက် တယူသန် အစွဲမရှိပါဘူး။ ဒုက္ခရောက်နေသူမှန်သမျှကို တတ်နိုင်တဲ့ဘက်က စောင့်ရှောက်ကူညီရမယ်ဆိုတာ အမြဲတမ်းနှလုံးသွင်းလျက်ပါ။ ဒုက္ခသည်များအတွက် စိတ်မကောင်းဖြစ်ရသော်လည်း ကူညီထောက်ပံ့ စောင့်ရှောက်ခွင့်ရတဲ့အတွက် ကျေနပ်ပီတိဖြစ်မိပါတယ်” စသည်ဖြင့်ပြောသွား၏။
တဖန် သီရိလင်္ကာ ပါလီမန်အမတ် တစ်ပါးဖြစ်သူ ဆရာတော် သောဘိတထေရ်ကိုမေးမြန်းရာ၌ “ဘုန်းကြီးတို့ဟာ သဗ္ဗေသတ္တာ ဘ၀န္တု သုခိတတ္တာ-ဟု ၀စီကံနှင့် မနောကံတို့ဖြင့် နေ့စဉ်နှင့်အမျှ မေတ္တာပို့နေတာပါ၊ အခုတော့ ကာယကံမြောက် ကူညီထောက်ပံ့ခွင့်ရတဲ့အတွက် အတိုင်းမသိ ၀မ်းမြောက်မိပါတယ်။ ဗုဒ္ဓဟာ ပိဏ္ဍာစာရိက၀တ် (ဆွမ်းခံမှု)ကို ချီးကျူးတော်မူပါတယ်။ အခုလည်း ဘုရားချီးကျူးတော်မူတဲ့ ဆွမ်းဝတ်နဲ့ ကူညီထောက်ပံ့ရတာဖြစ်လို့ အင်မတန်မွန်မြတ်လှတဲ့ ကူညီမှုဘဲလို့ ယုံကြည်လက်ခံပါတယ် ”စသည်ဖြင့်ပြောသွား၏။
တဖန် မြန်မာရဟန်းတော်များ၏ ကိုယ်စားလှယ် ဦးသောဘနကို မေးမြန်းရာ၌ “မြန်မာရဟန်းတော်များအနေဖြင့် အခုလို စစ်ဘေးဒုက္ခသည်များကို ကူညီခွင့်ရတဲ့အတွက် ၀မ်းမြောက်မိပါတယ်။ အခုလို ကူညီတာဟာ စစ်ဘေးဒုက္ခသည်များကိုမက မြန်မာစာသင်သားများအတွက် အစစ အရာရာ ကူညီပေးလျက်ရှိသော သီရိလင်္ကာဆရာတော်တွေကိုလည်း ကူညီရာရောက်တယ်လို့ ယုံကြည်ပါတယ်။ မိမိတို့ဟာ များစွာသောကုန်ကျမှုဖြင့် စာပေသင်ကြားနေရတာဖြစ်လို့ ကုန်ကျမှုနှင့်တန်အောင် စာကိုပဲမနေမနား အဓိကထားကာ ကြိုးစားနေရတာဖြစ်လို့ ဆရာတော်များအား အထူးတလည် ဘာတစ်ခုမှ မကူညီနိုင်ခဲ့လို့ စိတ်မကောင်းဖြစ်ရပါတယ်။ သီရိလင်္ကာဘုန်းကြီးများဟာ မြန်မာစာသင်ရဟန်းတော်များကို အစစ အရာရာ အဆင်ပြေအောင် ကူညီရုံမျှမက မြန်မာနိုင်ငံ၌ နာဂစ်ဘေးဒုက္ခရောက်စဉ်ကလည်း သီရိလင်္ကာနိုင်ငံသူ နိုင်ငံသားများနဲ့ စုပေါင်းပြီး ကူညီခဲ့ကြတာဖြစ်လို့ များစွာကျေးဇူးတင်ပါတယ်။ မိမိတို့ မြန်မာရဟန်းတော်များအနေဖြင့် အခုလိုကူညီခွင့်ရတာ များစွာဝမ်းမြောက်ပါတယ်” ဟု ပြောသွားပါသည်။
ထိုဆွမ်းစိမ်းအလှူခံပွဲကို ကိုလံဘိုမြို့ရှိ အထက်ပါ ပါလီမန်အမတ်နှစ်ပါးက ဦးဆောင်ပြုလုပ်ကြခြင်းဖြစ်၏။ သတင်းမီဒီယာသမားများ မှတ်တမ်းတင်ပြီးသည်နှင့်တပြိုင်နက် (၄)နာရီတိတိအချိန်မှစ၍ မြို့ထဲ၊ ဈေးထဲ၌ တန်းစီ၍ အလှူခံထွက်ကြပါသည်။ သုံးမိုင်ခရီးမျှ ခြေလျင်သပိတ်ပိုက်ကာ အလှူခံထွက်ကြပါသည်။ များသောအားဖြင့် အ၀တ်အထည်များ၊ စားသောက်ဖွယ်ရာများ၊ သောက်ရေသန့်များကို တော်တော်များများ လှူဒါန်းနေကြတာကို မြင်တွေ့ရ၏။ ဆွမ်းစိမ်းခံ ကိစ္စအပြီး၌ ဦးဆောင်ဆရာတော်များက မြန်မာရဟန်းတော်များကို အခုလိုကူညီပေးတဲ့အတွက် အထူးကျေးဇူးတင်ကြောင်း မြန်မာရဟန်းတော်များ အကူညီလိုအပ်ပါက မိမိတို့ အနေဖြင့် ကူညီပေးရန်အသင့်ရှိကြောင်း စသည်ဖြင့် ၀မ်းမြောက်စကား၊ ကျေးဇူးတင်စကား မိန့်ကြားကြပါသည်။
မိမိတို့မြန်မာရဟန်းတော်များသည် အလွန်မွန်မြတ်သောစေတနာသန့်သန့်ဖြင့် ကူညီပေးခဲ့ကြပါသည်။ တခြားမည်သည့်အခွင့်အရေးကိုမျှ မမျှော်လင့်ပါ။ တမီးဒုက္ခသည်များအတွက် ထိုသို့သော ကျေးဇူးတုန့်ပြန် ကူညီမှုမျိုးဖြင့် (25-4-2009)ရက်ကလည်း ကူညီခဲ့ကြပြီးဖြစ်၏။ နောက်ထပ်လည်း အကူညီတောင်းထားတာ ရှိသေးကြောင်းသိရ၏။
စာပေသင်ကြားမှုအကြား၌ ဤသို့သော အပြန်အလှန်ကူညီပေးမှုကား ကင်း၍မရပါ။ ဘုရားဟောတဲ့ တရားသဘောကိုက အညမညပစ္စယောတဲ့။
(တက္ကသိုလ်-ဆွေသုဝဏ်)
MSMA

သူတို့သင်္ကြန်

0 comments


17-4-2009

သီရိလင်္ကာနိုင်ငံ၏ ဓလေ့ သင်္ကြန်နေ့သည် အတုယူစရာကောင်းလှ၏၊ သင်္ကြန်ဟူသော ဝေါဟာရသည် ‘ကူးပြောင်းခြင်း’ ဟူသော အဓိပ္ပါယ်ကိုရ၏။ ကူးပြောင်းခြင်းဟူသည် ဤ၌ နှစ်ဟောင်းမှ နှစ်သစ်သို့ကူးပြောင်းခြင်းကိုဆိုလိုပါသည်။ ထိုကြောင့် New Year Day ဟုခေါ်ကြသည်။ နှစ်သစ်ကူးပြောင်းသောနေ့ဟု ဆိုလိုသည်။ မြန်မာ့အခေါ်အဝေါ်အရ နှစ်ဆန်းတစ်ရက်နေ့ဟု ခေါ်၏။ နှစ်သစ်ကူးပြောင်းသောနေ့သည် မြန်မာနှင့်သီရိလင်္ကာ အတူတူပင်ဖြစ်သည်။ တချို့သောနိုင်ငံများလည်း တူညီကြောင်း ကြားသိရသည်။ မည်သည့်နိုင်ငံများတူညီကြသည်ကိုကား မိမိအတိအကျ မသိရသေးပါ။

သီရိလင်္ကာနိုင်ငံ၌ နှစ်ဆန်းတစ်ရက်နေ့မတိုင်မီ တစ်ရက်အလိုနေ့၌ အ၀တ်ဖြူများဝတ်ကြ၍ ဘုန်းကြီးကျောင်းများသို့ ဥပုသ်စောင့်သွားကြပါသည်။ နှစ်ဆန်းတစ်ရက်နေ့၌လည်း ဥပုသ်စောင့်ကြသည်။ ဤ၌ ဥပုသ်စောင့်ကြပုံကို အနည်းငယ်တင်ပြလိုပါသည်။ သီရိလင်္ကာ၌ ဘာသာရေးနှင့် ပတ်သက်သော အမှုကိစ္စမှန်သမျှ အ၀တ်ဖြူကိုသာ ၀တ်ဆင်ကြသည်။ တခြား မည်သည့်အရောင်မျှ မ၀တ်ကြပါ။ သူတို့သည် အ၀တ်ဖြူများဝတ်၍ လာကြပြီးလျှင် ဥပုသ်ဆောင် (ဓမ္မသာလာ) ၌ ဆိတ်ငြိမ်စွာ တရားရှုမှတ်ပြီးနေကြပါသည်။ နံနက် (၈)နာရီခန့်အချိန်၌ ဆရာတော်က ရှစ်ပါးသီလ ပေး၍ တစ်နာရီမျှ တရားဟောပါသည်။ တရားဟောပြီးသောအခါ တရားရှုမှတ်ခိုင်းပါသည်။ နေ့လည်(၁၁)နာရီ အချိန် ထမင်းကျွေးပါသည်။ ထမင်းစား ပြီးသည်နှင့်တပြိုင်နက် ဥပုသ်သည်များထဲမှ စွမ်းနိုင်သောပုဂ္ဂိုလ်များက တစ်ယောက်ပြီး တစ်ယောက် တရားဟောခြင်း၊ တရားဆွေးနွေးခြင်း၊ ဘာသာရေးနှင့်ပတ်သက်သော အမေးအဖြေများပြုလုပ်ခြင်းများကို နေ့လည် (၄)နာရီထိလုပ်ကြပါသည်။ ဤ၌ ‘သူတို့တနေကုန်ထိုင်နိုင်ရဲ့လား ညောင်းညာကိုက်ခဲလို့ တရားအပေါ် အာရုံပြုနိုင်ရဲ့လား’ ဟု မေးဖွယ်ရှိသည်။ သူတို့ကား တရားနာသောအချိန်၌ ရပ်၊ သွား၊ ထိုင်၊ အိပ်၊ မည်သို့သောဣရိယာပုထ် ဖြင့်မဆို နေနိုင်ပါသည်။ မြန်မာပြည်၌ ကဲ့သို့ ကြုံ့ကြုံ့လေး မလှုပ်မယှက် ထိုင်နေရသည်မဟုတ်၊ လွတ်လပ်စွာ နေချင်သလိုနေ၍ တရားကိုနာကြားနိုင်ပါသည်။ တရားဟောသော လူ၊ ဘုန်းကြီး၊ အရှေ့သို့ ခြေဆင်းပြီး ထိုင်နေကြသည်မှာ မြန်မာမျက်စိဖြင့်တော့ လုံးဝ မသင့်တော်လှ။ သူတို့ဓလေ့ကား ပြဿနာမရှိ ထိုင်ချင်သလိုထိုင် အပြစ်မရှိပါ။
ညနေ(၄)နာရီအချိန်တွင် ဘုန်းကြီးက တရားဟောပါသည်။ တရားဟောပြီးသည်နှင့် တပြိုင်နက် တရားထိုင်ရပါသည်။ ညနေ(၆)နာရီခန့်အချိန်တွင် လူပုဂ္ဂိုလ်များထဲမှ စွမ်းနိုင်သူက တရားဟောပြန်ပါသည်။ ထိုပုဂ္ဂိုလ်တရားဟောပြီးနောက် ပရိတ်ကြီးပါဠိတော်များ၊ ဓမ္မစကြာ၊ အနတ္တလက္ခဏသုတ် စသော ပါဠိများနှင့် ဘုရားကို ရွတ်ဖတ်ပူဇော်ကြပါသည်။ ည(၁၀)နာရီမှ စ၍ မိမိစွမ်းနိုင်သလို တရားမှတ်ခြင်း၊ ဗုဒ္ဓစာပေဖတ်ခြင်း၊ ကျက်မှတ်ခြင်း များကို မည်သည့်အချိန်ထိ ပြုလုပ်ကြသည်ကို မိမိမသိပါ။ ည(၂)နာရီ မိမိတရေးနိုး၍ ထကြည့်သောအခါ တချို့တရားထိုင်နေကြတာကို မြင်ရသေး၏။ သူတို့သည် ဥပုသ်ကာလအတွင်း ကွမ်းစားခြင်းမပြုပါ။ ဆေးလိပ်နှင့် မူးယစ်ဆေးဝါး အရက်ကိုးကား ဥပုသ်စောင့်သည်ဖြစ်စေ၊ မစောင့်သည်ဖြစ်စေ၊ ဗုဒ္ဓဘာသာများ အခါခပ်သိမ်း လုံးဝ မသောက်ကြပါ။ တချို့ ခိုးသောက်တာ ရှိသည်ဟု ဆို၏။ မိမိမတွေ့ဖူးပါ။ ဘာသာခြားများသည် အရက်၊ ဆေးလိပ်ကို သောက်သုံးသူ အလွန်ရှားပါလှ၏။ ဤကား သူတို့ဥပုသ်နှင့် ပတ်သက်သော အတုယူစရာ ဓလေ့တည်း။
သီရိလင်္ကာ၌ နှစ်ဆန်းတစ်ရက်နေ့မတိုင်မီ တရက်အလိုတွင် ဥပုသ်စောင့်ခြင်း၊ ရပ်ကွက်အတွင်း လူကြီးများ ဆရာများ၊ မိဘများအား ကန်တော့ခြင်း အမှုကို မြန်မာနိုင်ငံ သီတင်းကျွတ်လ ကန်တော့ကြသလို ပြုလုပ်ကြပါသည်။ နှစ်ဆန်းတစ်ရက်နေ့၌ ဥပုသ်စောင့်ခြင်း၊ ခေါင်းလျှော်ခြင်း မင်္ဂလာကို ပြုလုပ်ကြပါသည်။ ဤ၌ ခေါင်းလျှော်မင်္ဂလာကို အနည်းငယ်တင်ပြပါအုံးမည်။ နံနက်အချိန်၌ ဒကာတချို့ ကျောင်းသို့ရောက်လာကြပြီး မဏ္ဍပ်ထိုးခြင်း၊ အခမ်းအနားပြင်ဆင်ခြင်း အမှုကိုကြိုတင်ပြုလုပ်ကြပါသည်။ သူတို့ ယူလာကြသော တမာရွက်၊ ကွမ်းရွက်နှင့် တခြားမည်သည့်အရွက်မှန်း မိမ်ိ မသိသော အရွက်များကို ရောပြီး ဆုံဖြင့်ထောင်းကာ သတ္ထုရည်များညှစ်ယူ၍ စတီးအိုးကြီးဖြင့် ထည့်ထားကြ၏။ နေ့လည်အချိန်၌ ကျောင်းသို့ လူကြီးလူငယ် ရှိသမျှအားလုံး နီးစပ်ရာကျောင်းသို့ သွားရောက်ကြ၏။ လူစုံလောက်သောအချိန်၌ ဘုရားရှေ့တွင် ပရိတ်သတ်များ မတ်တပ်ရပ်လျှက် လက်အုပ်ချီကာ ငြိမ်သက်စွာနေကြ၏။ ပရိတ်သတ်ရှေ့တွင် သူတို့ထောင်းထားသော တမာရွက်စသော သတ္ထုရည်အိုးနှင့် အုန်းဆီအိုးကို ခင်းကျင်းတည်ထား၍ အနုပညာသမားများသည် တူရိယာများဖြင့် တီးမှုတ်ကြကာ ကျောင်းသူ ကျောင်းသားများက ဓမ္မတေးဖြင့် ဖျော်ဖြေကြပြီး ဂုဏ်တော်ဘွဲ့တေးဖြင့် ဗုဒ္ဓကို ချီးကျူးပူဇော်ကြ၏။
သူတို့ပူဇော်ပြီး မင်္ဂလာချိန်ရောက်သောအခါ လက်အုပ်ချီ၍ ရပ်နေကြသော ပရိတ်သတ်ရှေ့တွင် ဘုန်းကြီးများက မတ်တပ်ရပ်လျှက် ငါးပါးသီလ ဆောက်တည်စေ၏။ ထို့နောက် ပရိတ်များရွတ်ဖတ်ကြ၏။ ပရိတ်ရွတ်ဖတ်ပြီးသောအခါ ဘုန်းကြီးများ တစ်ပါးစီ နှစ်သစ်ကူးဆုတောင်းမှုကို ပြုကြ၏။ သူတို့ တစ်ပါးပြီး တစ်ပါး အလှည့်ကျ ဆုတောင်းရင်း စာရေးသူအလှည့်သို့ရောက်လာ၍ လောကု(ကျောင်းထိုင်) က မိမိအား မိုက်ခရိုဖုန်း ထိုးပေးရာ အကြောင်းမသိ၍ ကြိုတင်စီစဉ်မှုမရှိ သီဟိုဠ်စကားမရသော မိမိအဖို့ အခက်ကြုံရ၏။ ပရိသတ်ရှေ့ မိုက်ကြီးကိုင်ပြီး ဘာပြောရမည်ကို မသိသဖြင့် စိတ်ထဲပေါ်လာသော စည်တော်ကြီးကိုရွတ်ဆိုလိုက်၏။
“အောင်မြန်မာ…..အောင်ဂါထာ….အောင်ရာနိမိတ်ကယ်…ထွန်းပေလို့ဗျာ….။ အောင်ရပ်ကယ် သာသလေး…..အောင်ရာဘိမယွင်း…ရိုင်းပင်းကာ ကူညီပေး..တယ်...ကဗျာဆရာ..ဆွေသုဝဏ်ပါဗျာ..သွင်းဆိုသည့်စာ……” ဟု ရွတ်ဆိုလိုက်ရာ သူတို့နားမလည်ကြသော်လည်း အလွန်နားထောင်၍ကောင်းကြောင်း အခမ်းအနားအပြီး၌ လာရောက်လျှောက်ထားကြ၏။
သံဃာများ အသီးအသီး နှစ်သစ်ကူးဆုတောင်းကြပြီးသောအခါ ပရိသတ်များတန်းစီ၍ ဘုန်းကြီးရှိရာသို့လာကြ၏။ ထိုပရိသတ်ကို ဘုန်းကြီးများက ခေါင်းဆေးမင်္ဂလာပြုလုပ်ပေး၏။ တမာရွက်စသည်ဖြင့် ပြုလုပ်ထားသော သတ္ထုရည်နှင့် အုန်းဆီကို လက်ဖြင့်စိမ်ယူကာ သူတို့ခေါင်းကို ပွတ်ပေးခြင်းဖြစ်၏။ ထိုခေါင်းဆေးမင်္ဂလာပြုပြီးသောအခါ ဘုရားများ၊ ဗောဓိပင်များ၌ှဆီမီးပူဇော်ခြင်း၊ ပန်းပူဇော်ခြင်း၊ ကွမ်းရွက်ပူဇော်ခြင်းများကို အထူးတလည်ပြုလုပ်ကြပါသည်။ ထိုနေ့၌ တနေကုန် (သူတို့ အခေါ် လက်ကီးဒိုင်း) ဗြောက်ဖောက်ခြင်း၊ မီးရှူး မီးပန်းများ ပစ်ဖောက်ခြင်းများကို ပြုလုပ်ကြပါသည်။ အထူးအားဖြင့် နှစ်သစ်ကူးပြောင်းချိန်၌ တနိုင်ငံလုံး ဆူညံပွက် ဘ၀ဂ်ညံအောင် နားကွဲမတတ် ဗြောက်ဖောက်ကြသည်။ ကောင်းကင်တပြင်လုံး မီးရှူးမီးပန်းများဖြင့် လင်းဖြာလျှက်ရှိနေသည်မှာ အံ့မခန်း ရှုမြင်ရပါသည်။ ဤကား 2008 ခု ကုလားကျောင်း၌ မိမိ၏ မြင်ကွင်းတည်း။
ဒီနှစ် (2009) ၌ လည်း မကုဋမြန်မာကျောင်း၌ မြန်မာရဟန်းတော်များ မြန်မာမှုမြန်မာ့ ဟန်ဖြင့် နှစ်သစ်ကူးပွဲ ပြုလုပ်ကြပါသည်။ မုန့်လုံးရေပေါ်နှင့် ဗူးသီးကြော်များ ပြုလုပ်ကျွေးမွေး စားသောက်ကြခြင်း၊ ကံစမ်းမဲဖောက်ခြင်းတို့ကို နံနက်အချိန်၌ ပြုလုပ်ကြပါသည်။ ကံစမ်းမဲ၌ ပေါက်မဲအနည်းငယ်သာ ထည့်နိုင်သော်လည်း ဟာသ မဲများပါဝင်သဖြင့် အလွန်ပျော်ရွှင်စရာကောင်းလှပါသည်။ ဟာသမဲ၌ “ပြည်တန် ပတ္တမြားလုံး အရွယ် ချိုချဉ်ပါဘုရား၊ ကုလားမကိုကဲချင်တော့ ပေါက်မဲနှင့်လွဲမှာပေါ့၊ ဂုဏ်တော်ပုတီးစိပ်လိုက်ပါအုံး” စသည်ဖြင့် ဟာသမဲကိုဖတ်လိုက်တိုင်း တသောသောရယ်မောကြရ၏။ မဲအစီအစဉ်အပြီး တစ်ဦးနှင့် တစ်ဦး ရေလောင်းကြ အိုးမဲဖြင့်သုတ်ကြ နောက်ကြ ပြောင်ကြနှင့် အလွန်ပျော်စရာကောင်းလှ၏။ တစ်နှစ်တာ ညောင်းညာခဲ့သမျှ တနေ့တာ ပက်ဖြန်းသော သင်္ကြန်ရေဖြင့် မောပန်းမူးဝေ ညောင်းညာကိုက်ခဲ အကုန်ပျောက်သွားရသည်ဟုထင်မိ၏။ မိမိအနေဖြင့် ဤမျှလောက် တစ်ကြိမ်တစ်ခါမှ မပျော်ရွှင်ခဲ့ရဖူးပါ။ မြန်မာပြည်၌ နှစ်ပေါင်းများစွာ ကျော်ဖြတ်လာခဲ့တာ ပြက္ခဒိန်အစောင်လေးဆယ်ခန့်ဆွေးသွားပြီဖြစ်သော်လည်း ငယ်ရွယ်စဉ်မှ စ၍ သင်္ကန်းဝတ်ခဲ့ရပြီး ထိမ်းချုပ်မှုအောက်၌ ကြီးပြင်းလာခဲ့ရတာဖြစ်လို့ ဤပျော်ရွှင်မှုမျိုးကို တခါမှ မရခဲ့ဘူးခြင်းဖြစ်သည်။
“ဘုန်းကြီးအချင်းချင်း ရေပက်ရတာ ပျော်စရာလား” ဟု မေးဖွယ်ရှိ၏။ မြက်နုမရှိသော အညာဒေသ၌ သစ်ရွက်ခြောက်ကိုသာ စားရရှာသော နွားများသည်လည်း အာဟာရဖြစ်၍ ရှင်သန်နိုင်ကြပါသည်။ သူတို့ မြက်နုကို စားချင်ရှာမှာပါ။ သို့သော် ဘ၀ပေးအခြေအနေအရ သူ့နည်းသူ့ဟန်ဖြင့် နေနိုင်ကြရမြဲဟု ဆိုချင်ပါသည်။
ကုသိုလ်၊ ဥစ္စာ၊ ပညာ တခုခုမရရှိသောနေ့သည် လူဖြစ်ရှုံးသောနေ့ဖြစ်၏။ ပညာရှိများ ဆိုစကားနှင့်အညီ ဒီနေ့အဖို့ မိမိတို့ လူအဖြစ်အရှုံးမခံနိုင် ထို့ကြောင့် ကျေးဇူးရှင် မြန်မာပြည်သူ ပြည်သားများကို ကျေးဇူးဆပ်သောအနေဖြင့် သံဃာများကို ဆွမ်းကပ်လှူဒါန်းခြင်း၊ ဘုရားခန်းကိုသန့်ရှင်းခြင်း၊ ဆေးသုတ်ခြင်း၊ ဘုရားကိုရေသပ္ပါယ်ခြင်း၊ ဗောဓိပင်ကိုရေလောင်းခြင်း၊ ဘုရားကိုဆီမီးပူဇော်ခြင်း၊ မြန်မာသံဃာအားလုံးစုပေါင်း၍ ဘုရားအနေကဇာတင်ခြင်း၊ ပရိတ်ရွတ်ဖတ်ပူဇော်ခြင်း၊ မြန်မာပြည်အတွက်ဆုတောင်းခြင်း၊ အမျှဝေခြင်းများကို တညီတညွတ်တည်း စုပေါင်း၍ ပြုလုပ်ကြပါသည်။
သီရိလင်္ကာသင်္ကြန်ပွဲကား လွမ်းမောဖွယ်ကောင်းစွ တကား……………။

တက္ကသိုလ် ဆွေသုဝဏ်
MSMA

မေတ္တာသံတမန်

0 comments
လောကမှာ မေတ္တာဆိုတာ သာမန်အနေနဲ့မမြင်ရပေမယ့် အချင်းချင်းဆက်သွယ်မှုလေးတော့ရှိတယ်ဆိုတာ လက်ခံရမယ်လေ။ မေတ္တာဟာ အဆင်း၊ အနံ့၊ သဏ္ဌာန်မရှိပေမယ့် ငြိမ်းချမ်းမှု၊ စိတ်ကြည်နူးမှုတွေကို လက်တွေ့ပေးဆပ်နိုင်ပါတယ်။ လူသားအချင်းချင်းမဆိုထားနဲ့ တိရစ္ဆာန်နဲ့ လူသားကြားမှာတောင်မှ မေတ္တာဟာ အန္တရာယ်ကင်းမှု၊ ငြိမ်းချမ်းမှု၊ ကြည်နူးမှုတွေကို ပေးတတ်တာတွေကို ကျွန်ုပ်တင်ပြလိုပါတယ်။
ကျွန်ုပ် သီရိလင်္ကာသို့ရောက်ပြီး တစ်လကျော်ကျော်လောက်မှာ ကျောင်းစဖွင့်လို့ လိုင်းကားနှင့် ကျောင်းသို့သွားခဲ့ပါတယ်။ ရောက်စမို့ လိုင်းကားစီးရတာ တော်တော်အခက်အခဲတွေ့ရပါတယ်။ ကျောင်းချိန်နှင့် လိုင်းကားစီးချိန်ကို ချိန်ဆလို့ မရသေးတာမို့ စိတ်ထဲမှာတော့ တထင့်ထင့်နဲ့ပေါ့။ လမ်းတစ်ဝက်လောက်အရောက်မှာ ဘရိတ်အုပ်သံနှင့်အတူ ကားရပ်သွားပါတယ်။ ကျွန်ုပ် ကားပျက်သွားတယ်ထင်လို့ ကားသမားကိုကြည့်မိတဲ့အခါ လေချွန်၍ ဒူးနန့်နေသော ကားသမားအမူအရာကြောင့် ကားပျက်တာမဖြစ်နိုင်လို့ ယူဆမိပါတယ်။ ဘေးဘယ်ညာကိုလှည့်ကြည့်တော့ အခြားကားများလည်း ရပ်နေတာကိုတွေ့ရပါတယ်။ ဒါဆိုမီးပွိုင့်မိနေတာသေချာပြီပေါ့ဟု တွေးထင်ကာ ရှေ့တူရူသို့ကြည့်လိုက်ပါတယ်။ ရှေ့မှာ မီးပွိုင့်နှင့်တူတာဆိုလို့ ခရမ်းချဉ်သီးတောင်မရှိပါဘူး။ ကျောင်းနောက်ကျပြီဆိုတဲ့ အသိစိတ်ဖျက်ကနဲ ခေါင်းထဲကိုဝင်လာပါတယ်။ ဒါ့ကြောင့် ကျွန်ုပ် နည်းနည်းစိတ်ပူလာပါပြီ။ ကားသမားကိုဘာ့ကြောင့်ရပ်တာလဲလို့ စိတ်တိုတိုနှင့်မေးပစ်လိုက်ချင်ပါတယ်။ ဒါပေမယ့် သူတို့ဘာသာစကားကို ကျွန်ုပ်မပြောတတ်ပါ။ အင်္ဂလိပ်လိုပြောရအောင်လည်း မတောက်တခေါက်သာပြောတတ်ပါတယ်။ ဒါနဲ့ ကားရဲ့ရှေ့ကို အသေအချာ ကြည့်မိတဲ့အခါ ပေါင်လုံးနီးပါးရှိတဲ့ ဖွတ်တစ်ကောင်ဟာ တရွေ့ရွေ့နဲ့ ကားလမ်းကိုဖြတ်ကူးနေတာကိုတွေ့ရပါတယ်။ တစ်ယောက်ယောက်ကဆင်းပြီး ဖွတ်ကိုမောင်းထုတ်ဖို့ကောင်းပါတယ် ခရီးမကြာသင့်ဘဲ ကြာမှာစိုးလို့ပါ(ကျွန်ုပ်အမြင်)။ ဆင်းမောင်းဖို့နေနေသာသာ ယုတ်စွအဆုံး ကားဟွန်းကိုတောင် မတီးကြပါဘူး။ မောင်မင်းကြီးသား လမ်းတဖက်ကို ရောက်မှ ကားများမောင်းထွက်ခဲ့ကြပါတယ်။ အဲဒီနေ့က ကျောင်းနောက်ကျခဲ့ရတယ်။ ကျောင်းကိုပြန်ရောက်လို့ စိတ်တိုတိုနှင့် သူငယ်ချင်းတွေကို အဲဒီအကြောင်း ပြောပြမိတာပေါ့။ စိတ်မတိုနဲ့ကိုယ့်လူရေ ဒါဟာ သီရိလင်္ကာ က လူတွေရဲ့ တိရစ္ဆာန်တွေအပေါ်မှာထားတဲ့ မေတ္တာတရားဘဲလို့ သူငယ်ချင်းတွေပြောပြတဲ့အခါ ကြည်နူးမိသလိုလိုနဲ့ ကြက်သီးမွှေးညှင်း ဖြန်းကနဲထမိပါတယ်။ ကားလမ်းပေါ်မြွေဖြတ်သွားလဲ ကားရပ်ပေးကြတယ်။ လမ်းလယ်မှာ နွားတွေအိပ်နေလဲ ရှောင်ကွင်းပြီးမောင်းသွားကြတယ်လေ။ ဘယ်လိုသတ္တ၀ါကိုမှ ညှင်းဆဲ သတ်ဖြတ်တာကိုမတွေ့ရဘူး။ အထူးဆန်းဆုံးကိုပြောပြမယ်ကိုယ့်လူ မီးရထားသံလမ်းဆိုတာ အခွင့်အရေးအပြည့်ရရှိထားတဲ့ လမ်းတခုပဲ။ တိရစ္ဆာန်မပြောနဲ့ လူတစ်ယောက် သံလမ်းပေါ်မှာရပ်နေလည်း ရထားလာရင် တိုက်ခွင့် နင်းခွင့် အပြည့်ရှိတယ်။ ဒါပေမယ့် ဒီနိုင်ငံမှာ သံလမ်းပေါ်နွားရောက်နေရင် ရထားရပ်ပေးတာကို ကိုယ်တွေ့ကြုံဖူးတယ်ကိုယ့်လူရေ။ ဒို့ မြန်မာကျောင်းသားတွေကတော့ အဲဒီနွားကို ရထားတိုက်ပြီလို့ ကြည့်ပြီး စိတ်ပူနေကြတာပေါ့။ ဒါပေမယ့် အနီးရောက်တော့ ရထားက ရပ်ပေးတယ်လေ။ ဒါဟာ အံ့သြစရာဘဲပေါ့ကွာ။ ဥပဒေနဲ့ အခွင့်အရေးနဲ့ဆုံးဖြတ်တာမဟုတ်ဘဲ မေတ္တာနဲ့ဆုံးဖြတ်လိုက်တာလို့ ကိုယ်တော့ယူဆတယ်ကိုယ့်လူရေ လို့ သူငယ်ချင်းများက ထပ်မံရှင်းပြကြပါတယ်။ သီရိလင်္ကာမှာ တိရစ္ဆာန် သတ္တ၀ါတွေကို သတ်ဖြတ်တာ ညှင်းဆဲတာတို့ လုံးဝ မလုပ်ကြပါဘူး။ တိရစ္ဆာန်တွေကလဲ လူတွေကိုကြောက်ပြီး ထွက်မပြေးကြတော့ပါဘူး။ အနေကြာလာတော့လဲ ဖွတ်တွေ၊ မျောက်တွေ၊ ဥဒေါင်းတွေက လူတွေကိုမကြောက်ရွံ့ပဲ အနီးကပ်မြင်တွေ့နေရတော့ ကျွန်ုပ်ရင်ထဲမှာ အမည်ဖော်ပြလို့ မရနိုင်တဲ့ ခံစားမှုတမျိုးဖြစ်ပေါ်လာမိတာပေါ့။ စေတုပါဝဲ(ယခုအခေါ်) စိတ္တလ ပဗ္ဗတ(ယခင်အခေါ်) တောင်ကို ကျွန်ုပ်တို့ ပဋ္ဌာန်းရွတ်သွားကြတုံးကပေါ့ လမ်းဘေးဝဲယာမှာ ဥဒေါင်းတွေ သမင်တွေ တောဆင်ရိုင်းတွေကိုတွေ့နေရတာပါပဲ။ ကားလမ်းရဲ့တဖတ်တချက်မှာတော့ လျှပ်စစ်ကြိုး ၃-၄ချောင်းကို စီပြီး ကားလမ်းတလျှောက်လုံး ကာထားတာကိုတွေ့ရပါတယ်။ အန္တရာယ်ပြုနိုင်မည့် တောရိုင်းသားကောင်တွေ လူတွေကို ရုတ်တရက်အန္တရယ်မပြုနိုင်အောင် ကာကွယ်ထားတာလို့ သိရပါတယ်။ စိတ္တလပဗ္ဗတ တောင်ပေါ်က တောရကျောင်းကိုရောက်တော့ ပထမဆုံးတွေ့ရတာက မျောက်အုပ်ပါပဲ။ ကားလာပြီဆိုတာနဲ့ ကားပေါ်ကိုအတင်းပြေးတက်ပြီး အစာတောင်းတော့တာပါပဲ။ နောက်ပြီးတော့ ရွှေသမင်လေးတစ်ကောင်ကိုတွေ့ရပြန်ပါတယ်။ တောရိုင်းသတ္တ၀ါလေးပါပဲ။ အားလုံးကို ယဉ်ပါးနေပါဘီ။ ဒါပေမယ့် ဒီရွှေသမင်လေးက လူတွေထက်ဘုန်းကြီးတွေကို သိပ်သံယောဇဉ်ရှိတဲ့ပုံပါပဲ။ ဘုန်းကြီးတွေနောက်ကို တကောက်ကောက် လိုက်နေတော့တာပဲ။ ဓာတ်ပုံတွဲရိုက်လဲ ထွက်မပြေးပါဘူး။ ရွှေသမင်လေးအကြောင်းကတော့ ပြောပြရင်ဆုံးမယ်မထင်ပါဘူး။ ပဋ္ဌာန်းရွတ်နေလဲ ရွတ်တဲ့ဘုန်းကြီးဘေးမှာ လာပြီးဝတ်နေတတ်တယ်။ ဘုန်ကြီးတွေ တရားထိုင်သွားရင်လဲ လှိုဏ်ဂူတွေဆီကိုရောက်အောင်လိုက်သွားတတ်ပါတယ်။ ညရောက်တော့ စွယ်စုံ တောဆင်ရိုင်းကြီးတစ်ကောင် ကျောင်းကိုအစာလာတောင်းတာ တွေ့ရပြန်ပါတယ်။ မြန်မာဘုန်းကြီတွေရော သီရိလင်္ကာဘုန်းကြီးတွေပါ အဝေးကနေ အစားအသောက်တွေ ၀ိုင်းကျွေးကြတာပေါ့။ အန္တရာယ်ပြုမည့် အရိပ်အယောင်မတွေ့ရပေမယ့် အဝေးကနေ ကျွေးဖို့ ကျောင်းထိုင်ဘုန်းကြီးက ပြောထားပါတယ်။ ဒီဆင်ရိုင်းကြီးက ညတိုင်းအစာလာတောင်းတတ်တယ်လို့ သိရပါတယ်။ ခဏတဖြုတ်ပဲ လာပြီး ပြန်သွားတတ်ပါတယ်။ ဒါပေမယ့် ဒီညမှာတော့ တော်တော်နဲ့မပြန်တော့ဘူး။ ည-၂-နာရီကျော်လောက်မှ ပြန်သွားပါတော့တယ်။ နောက်ပြီးတော့ ဆတ်သားအမိနှစ်ကောင်ကိုလည်း တွေ့ရပြန်ပါတယ်။ တောရိုင်းဆိုပေမယ့် လူတွေနဲ့ယဉ်ပါးနေပါပြီ။ အနီးအနားသွားပြီး အစာကျွေးလို့ရတယ်။ ခန္ဓာကိုယ်ကို ပွတ်သပ်ပေးလို့ရတဲ့အထိ ယဉ်ပါးနေပြီလေ။ ညဆိုရင်တောင်ပေါ်ကနေ တောင်အောက်ကို ကြည့်မိတော့ လသာသာမှာတောကျွဲရိုင်းအုပ်တွေ ရေသောက်ဆင်းလာတာကိုတွေ့ရပါတယ်။ ရေကန်ထဲမှာလဲ မိကျောင်းတွေ ၃၀-လောက်ရှိတယ်လို့သိရတယ်။ ညရောက်ရင် တောင်အောက်ကို တယောက်ထဲမဆင်းဖို့ကိုလည်း ကျောင်းထိုင်ဘုန်းကြီးက ပြောထားပါတယ်။ တောဝက်အုပ်တို့ ကျားတို့နဲ့ တွေ့မှာစိုးလို့်ပါ။ သူငယ်ချင်းတွေလဲ တောဝက်အုပ်နဲ့ ကြုံဘူးထားတယ်လေ။ အန္တရာယ်တော့မပြုပါဘူး။ တောရိုင်းတွေလို့ပြောပေမယ့် လူတွေကိုအန္တရာယ်ပြုသံတော့ မကြားရပါဘူး။ ကျွန်ုပ်နောက်ဆုံး တွေးတောစဉ်းမိတာက လူတွေကလည်း သူတို့ကို အန္တရာယ်မပြုသလို သူတို့ကလဲ လူတွေကိုအန္တရာယ်မပြုကြတာဟာ လူသားနဲ့ တိရစ္ဆာန်အကြားမှာ မေတ္တာသံတမန်များ ထားကြလေရော့သလားလို့ ကျွန်ုပ်တွေးမိပါတော့တယ်ခင်များ………..။
မြိုင်ရာဇာ ချက်ကြီ